Námskeiðið fjallar um tölfræðiúrvinnslu í forritinu R. Gert er ráð fyrir að nemendur hafi grunnþekkingu í tölfræði og tölfræðihugbúnaðnum R. Æskilegt er að nemendur þekki til margbreytu aðhvarfsgreiningar (e. multiple linear regression). Nemendur læra að beita hinum ýmsu tölfræðiaðferðum í R (ss. classification methods, resampling methods, linear model selection og tree-based methods). Námskeiðið er kennt á tólf vikum og verður það á vendikennsluformi þar sem nemendur lesa námsefni og horfa á myndbönd áður en þeir mæta í tíma og fá svo aðstoð með fyrirliggjandi verkefni í tímum.

Að nemendur:

• séu færir um að lesa inn algengustu gerðir gagnasafna í R
• séu færir um að framkvæma lýsandi tölfræði með R
• geti útbúið fjölbreytt gröf í R á sniði sem er birtingarhæft í ritrýndum tímaritum
• verði liprir í að nýta sér R-pakka við tölfræðiúrvinnslu
• séu læsir á hjálparumhverfið í R og færir um að kynna sér og beita áður óséðum skipunum
• geti beitt hinum ýmsu tölfræðiaðferðum með hjálp R
• geti unnið skýrslur með hjálp knitr pakkans