Viðfangsefni námskeiðsins er stutt yfirlit yfir meginreglur og hugtök helstu sviða hins íslenska réttarkerfis, þ.e stjórnskipunarréttar, stjórnsýsluréttar, réttarfars, samninga- og kröfuréttar, skaðabótaréttar og refsiréttar. Tilgangur námskeiðsins er að veita nemendum innsýn í gildandi rétt áður en hafist er handa við að fjalla um hina lagalegu aðferð og grunnhugtök lögfræðinnar í "Almennri lögfræði". Námskeiðið er kennt á fyrstu 3-4 vikum haustmisseris og skal próf haldið í síðustu viku september og sjúkra og upptökupróf í lok verkefnaviku í október.

Þekking: Sá sem hefur lokið Inngangi að lögfræði/sem aukagrein skal hafa öðlast:

• þekkingu á meginreglum, grundvallaratriðum og hugtökum helstu sviða hins íslenska réttarkerfis, þ.e. stjórnskipunarréttar, stjórnsýsluréttar, réttarfars, samninga- og kröfuréttar, skaðabótaréttar, eignaréttar, fjölskyldu- og barnaréttar og refsiréttar.
• nánar tiltekið þekkingu á helstu hugtökum á sviði lögfræði og kunna skil á grunnatriðum íslensks réttarkerfis.

Leikni: Sá sem hefur lokið Inngangi að lögfræði/sem aukagrein skal hafa kunnáttu (leikni) til að geta:

• gert grein fyrir helstu efnisreglum á meginsviðum íslensk réttar.
• útskýrt mun á réttarreglum eftir eðli og tegund einstakra réttarsviða.
• borið saman og greint hvað það er sem skilur einstök réttarsvið að.

Hæfni: Sá sem hefur lokið Inngangi að lögfræði/sem aukagrein skal geta nýtt þekkingu sína og leikni í starfi og/eða frekari námi. Hann skal:

• geta gert skriflega grein fyrir helstu meginsviðum íslensks réttar, þ. á m. úrlausnum, og greint á milli rangra og réttra fullyrðinga um þessi atriði.
• tjáð sig um meginreglur, grundvallaratriði og hugtök íslensks réttar.
• leyst úr einföldum raunhæfum álitaefnum þar sem reynir á reglur ólíkra réttarsviða.

Í námskeiðinu er fjallað ítarlega um hina lagalegu aðferð, ýmis grunnhugtök lögfræðinnar sem henni tengjast og um sögulega þróun íslensks réttar. Meginefni námskeiðsins er tvískipt: Í fyrri hluta, réttarheimildafræði, er fjallað um réttarheimildirnar, rétthæð þeirra og innbyrðis samband og farið yfir þróun íslensks réttar og réttarskipunar frá landnámi fram á okkar daga auk þess sem stjórnskipunarsaga landsins er rædd. Einnig er fjallað um réttarkerfið, birtingu laga, skil eldri laga og yngri og afturvirkni laga. Í síðari hluta námskeiðsins, lögskýringarfræði, er fjallað um kenningar og hugmyndir um túlkun lagaákvæða og farið ítarlega yfir þær lögskýringaraðferðir sem eru almennt viðurkenndar í íslenskri réttarframkvæmd. Í heild er námskeiðinu ætlað að gefa heildstæða mynd af því hvernig komist er að lagalegri niðurstöðu að íslenskum rétti. Sjúkra- og upptökupróf eru eingöngu haldin á vorpróftímabili en ekki á sumarpróftímabili.

Meginmarkmið námskeiðsins er að kynna nemendur fyrir hinni lagalegu aðferðarfræði, grunnhugtökum sem henni tengjast sem og sögulegri þróun íslensks réttar.

Þekking: Nemandi sem staðist hefur próf í almennri lögfræði ásamt ágripi af réttarsögu á að:

• þekkja helstu einkenni lögfræðinnar sem vísindagreinar
• þekkja helstu hugtök á sviði almennrar lögfræði
• hafa yfirsýn yfir fræðikerfi lögfræðinnar
• þekkja réttarheimildir íslensks réttar
• þekkja helstu kenningar í lögskýringarfræði og kunna skil á þeim lögskýringaraðferðum sem notast er við í íslenskum rétti, einkum í dómum Hæstaréttar Íslands og álitum umboðsmanns Alþingis
• þekkja megindrætti íslenskrar réttarsögu og þróun réttarsögunnar sem fræðigreinar

Leikni: Sá sem staðist hefur próf í almennri lögfræði ásamt ágripi af réttarsögu á að:

• geta greint og metið einstök hugtaksatriði réttarheimildanna, innbyrðis vægi þeirra og kunna skil á meðferð þeirra til ályktana um gildandi rétt
• geta greint og metið einstakar aðferðir á sviði lögskýringarfræði og kunna skil á beitingu þeirra til ályktana um gildandi rétt.
• geta leyst úr raunhæfum verkefnum á sviði réttarheimilda- og lögskýringarfræði

Hæfni: Sá sem staðist hefur próf í almennri lögfræði ásamt ágripi af réttarsögu á að:

• geta útskýrt forsendur kenninga á sviði réttarheimilda- og lögskýringarfræði
• geta flokkað einstakar réttarheimildir út frá almennt viðurkenndum sjónarmiðum um gildi og vægi þeirra í íslenskri réttarframkvæmd
• geta útskýrt þær forsendur sem liggja til grundvallar einstökum lögskýringarsjónarmiðum og lögskýringaraðferðum.
• geta með skriflegum hætti gert grein fyrir kenningum á sviði réttarheimilda- og lögskýringarfræði
• geta tekist á við frekara háskólanám í einstökum greinum lögfræðinnar