Lögð verður áhersla á talað mál, orðaforða, ásamt færni í að tala eðlilega og fjölbreytta sænsku. Markmiðið er að nemendur nái góðum tökum á að nota sænsku til tjáskipta. Lestur, talmál, munnlegar æfingar í nútímasænsku. Ætlast er til að nemendur hafi a.m.k. grunnþekkingu í sænsku fyrir. Nemendur í fjarnámi gera æfingar skriflega eða taka upp myndbönd eða hljóðskrár þar sem þeir svara spurningum vikunnar.

Lokaprófið er munnlegt fyrir alla og þá á Teams fyrir þá sem komast ekki á staðinn.

Nemandi sem klárað hefur Málnotkun I á að hafa náð færni í eftirfarandi:

• að tala og/eða skrifa sænsku þannig að hún hljómi eðlileg og er auðskiljanleg
• að þekkja grunninn í blæbrigði sænsks máls
• að geta talað sænsku og svarað spurningum af mismunandi toga
• að skilja nokkuð fjölbreytta sænsku, þ.e. getað þekkt grundvallar orðaforða á nokkrum mismunandi sviðum