Námskeiðið er hugsað sem ítarlegt sögulegt yfirlit yfir helstu kenningar kvikmyndafræðinnar allt frá upphafi til dagsins í dag. Lesnar verða kenningar frumherja á borð við Sergei Eisenstein, Rudolf Arnheim, Siegfried Kracauer og André Bazin. Tekin verða fyrir margvísleg og róttæk umskipti í nálgun kvikmynda á seinni hluta tuttugustu aldar, líkt og formgerðargreining, marxísk efnistúlkun, sálgreining og femínismi. Loks verða áhrif menningarfræðinnar rædd með áherslu á kynþætti og skoðuð staða kvikmyndarinnar á tímum hnattvæðingar. Kvikmyndir námskeiðsins munu endurspegla margbreytileika lesefnisins enda er þeim ætlað að draga fram sérstöðu ólíkra kenninga.
Að nemendur:
- Þekki til hlítar lykilhugtök í greiningu á kvikmyndum
- Öðlist þekkingu á helstu kenningasmiðum kvikmyndafræðinnar
- Öðlist færni í greiningu sem byggir á kvikmyndakenningum
- Þekki sögu og þróun kvikmyndakenninga á 20. öld
- Kynnist og túlki nokkur af lykilverkum kvikmyndasögunnar
- Geti tjáð sig í ræðu og riti um efni námskeiðsins
Hér er um að ræða grunnfag námsgreinarinnar kvikmyndafræði þar sem kynnt eru til sögunnar lykilhugtök og aðferðir í túlkun kvikmynda. Farið verður ítarlega í frásagnaruppbyggingu og sviðsmynd kvikmynda, sem og kvikmyndatöku, klippingu, hljóðvinnslu og tónlist. Ræddar verða ólíkar gerðir kvikmynda og sýnd dæmi um heimilda- og tilraunamyndir auk hefðbundinna leikinna kvikmynda. Í framhaldi munu nemendur kynnast fræðilegri kvikmyndarýni þar sem lögð er áhersla á kvikmyndagreinar, -höfunda og -stjörnur. Á kvikmyndasýningunum verða dregin fram þau sérkenni sem einkenna lesefni hverrar viku enda er námskeiðið að stórum hlut hugsað sem inngangur og æfing í kvikmyndarýni.
Að nemendur:
- Tileinki sér lykilhugtök í greiningu á kvikmyndum
- Öðlist þekkingu á kvikmyndagreinum og kvikmyndahöfundum
- Öðlist færni í greiningu á kvikmyndum
- Kynnist ólíkum gerðum kvikmynda, þ. m. t. leiknar kvikmyndir, heimildamyndir og tilraunamyndir
- Kynnist og túlki nokkur af lykilverkum kvikmyndasögunnar
- Geti tjáð sig í ræðu og riti um efni námskeiðsins
Nemendur verða annaðhvort að hafa lokið námskeiðinu Kvikmyndarýni eða Kvikmyndafræði.
Listfræði, BA (120 einingar) (Óháð námsári, Vor) Kvikmyndafræði, Aukagrein (60 einingar) (Óháð námsári, Vor)
Kvikmyndafræði, BA (120 einingar) (Fyrsta ár, Vor)