Í námskeiðinu er sjónum beint að aðstæðum og atburðum í íslenskri stjórnmálasögu sem hafa sett mark sitt á íslensk stjórnmál. Fjallað er m.a. um aðdragandann að sambandslögunum 1918, tilkomu flokkakerfisins og átök um breytingar á kjördæmaskipuninni, stofnun lýðveldis 1944, átök um aðild Íslands að Atlantshafsbandalaginu, þorskastríðin, fiskveiðistjórnunarkerfið, átök um inngöngu Íslands í EES og afstöðuna til Evrópusambandsins. Einnig er farið stuttlega yfir þróun íslensks efnahagslífs og myndun og slit ríkisstjórn.

Að loknu námskeiði geta nemendur útskýrt og fjallað á gagnrýnin hátt um:

• Fullveldi og þýðingu þess í íslenskri stjórnmálaumræðu
• Mikilvægi útflutningsgreina fyrir íslenskt efnahagslífs og áhrifin á stjórnmálin
• Helstu átakalínur í íslenskum utanríkismálum
• Uppbyggingu íslenska flokkakerfisins og kjördæmakerfisins
• Íslenska þingræðiskipulagið og hefð samsteypustjórna
• Meginlínur í stjórn efnahagsmála á Íslandi