Tilgangur námskeiðsins er að dýpka þekkingu hjúkrunarfræðinga á lífeðlis- og meinafræðilegum breytingum í starfsemi mannslíkamans sem orsaka sjúkdóma. Fjallað verður um algenga sjúkdóma á mismunandi æviskeiðum lífsins með áherslu á orsakir, undirliggjandi meinalífeðlisfræðilegar breytingar, klínísk einkenni, sjúkdómsferli, greiningu, og meðferð. Jafnframt verður fjallað um eðlilegar breytingar á lífeðlisfræðilegum ferlum öldrunar og áhrif þeirra á starfsemi líffæra og líffærakerfa á efri árum. Í námskeiðinu verður notast við fjölþættar kennsluaðferðir þar sem áhersla er lögð á virka þáttöku nemenda og yfirfærslu þekkingar yfir á klínískar aðstæður.  

Að námskeiði loknu er þess vænst að nemendur geti:

• gert grein fyrir þeim afleiðingunum sem meinalífeðlisfræðilegar breytingar hafa á starfsemi líkamans
• heimfært meinalífeðlisfræði yfir á sjúkdómafræði og klínískar aðstæður
• beitt meinalífeðlisfræðilegri þekkingu við gerð einstaklinsmiðra hjúkrunaráætlana, íhlutun og meðferð sjúklinga
• Sýnt fram á skilning á eðlilegum breytingum á lífeðlisfræðilegu ferli öldrunar við klínískar aðstæður

Bókalisti er staðfestur